السلام عليكم ورحمة الله وبركاته
أنا حبيت ابدأ بس بموضوع عام شوية لكن بعد كدة ان شاء الله هنبدأ نحدد اكلام ف مواضيع معينة ..
حياة الواحد عبارة عن شوية أحداث بينتج عنها تصرف والتصرف بيكوِّن موقف ومجموعة مواقف بيكونو خبرة ةمجموعة خبرات بيكونو إنسان .... كلنا بنغلط و مهما الانسان بيتظاهر إنو متماسك ومش هاممو من الدنيا ومبيغلطش بيكون برضو ضعيف وخطّاء .. ودى حاجة ربنا ميز بيها ما بيننا وبين الملائكة ومينفعش ننكرها .. دى أول حاجة
على قد منا لسة صغير ومعنديش خبرة ف الحياة وكدة بس أدركت وياما ناس بيقولى إن أكبر غلطة ان الواحد يكتم اللى جواه وان لازم يكون عندك على الأقل شخص اوحد تحكيلو عن همومك حتى ولو كانت بسيطة جداً لأن مفيش همّ بيبقى بسيط وإلا مكنش هيبقى اسمو همّ ودى حاجة لازم نتفق عليها لأن صدقونى المشكلة الصغيرة بتلاقى طريقها لمشكلة تانية كبيرة وبيبقى تأثيرهم وحش أوى على نفسية الفرد .. دى تانى حاجة
اللى انا عايز أقولو إن الناس بتتفق ف تعرضها للمشاكل (يعنى مفيش حد من غير هموم) ولكن بتختلف ف طريقة تعبيرها عنها وبعض الطرق بتدمّر صاحبها ... ودا اللى أنا عايز أتكلم عنو ..
فى فرق مابين المشاكل والعيوب . المشكلة دى موقف بيحصل معاك ومبتعرفش تتصرف فيه إزاى فبتتصرف تصرف ميناسبش الوضع اللى انتة فيه .. أما العيب فدى حاجة موجودة فيك صعب عليك أو مستحيل -أحياناً- تغيرها ..
وياجماعة بس أنا لا عالم نفس ولا أفهم غ علم النفس غير انى درستو مرة واحدة ف حياتى .. بس لو فكرتو فيها هتلاقو كلنا علماء نفس لأنك مبتعملش حاجة ف ال24 ساعة غير انك تتخذ مواقف او تحلل مواقف ..
كتير مننا - ومنهم العبد لله - بيبقى فى عيب وهوا متأكد إنو موجود فيه ويرفض إنو يكلم أى حد فيه .. بس والله دى أكبر غلطة ..
دا حتى أنا ساعات بحس -بس مش عارف دا حقيقى ولا لأ- إن الواحد كل لما تلاقية بيتكلم عن مشاكلو وعن عيوبو كل ما الناس بتقربلو أكتر .. مش للتعاطف معاه .لأ. لكن الواحد لما بيحس إن اللى قدامو عندو الشجاعة إنو يواجه مشاكلة و عيوبه تحس ان فى حواجز من الحواجز بينك وبينو بيتفتح (دا لو شخص متعرفوش يعنى) ... ولو فكرت ف أقرب واحد من صحابك وجيت ترجع لليوم اللى اتعرفت فيه على صاحبك دا هتلاقى انو أكيد كلمك عن مشكلة عندو او عيب فيه .. وإلا مش هتبقى صديقو بجد ..
من الآخر يعنى .. كلنا عندنا أصدقاء سواء واحد او اتنين او 20 .. المهم ان مش كل صحابك هتقدر تكلمهم ف أى حاجة وكمان مش كلهم هيكونو مرو بالحاجة اللى انتة بتمر بيها ... يعنى مش ساعات تلاقى صاحبك يقولك انا حصل معايا كزاالمفروض أعمل إية ؟ .. انتة طبعاً بتقوللو اللى انتة شايف انك كنت هتعملو .. ويمكن صاحبك دا يعمل الحاجة دى فعلاً و تكون نصيحتك غلط .... فساعات الواحد المفروض يطلع برة دايرة صحابو عشان يحل مشكلة معينة أو يلاقى نصيحة ف موضوع معين
مش معنى كدة انك متقولش لصلحبك .. لأ بالعكس صديقك لازم يعرف كل حاجة عنك .. لكن مش دايماً حكمو هيكون سليم بالزات ف الحاجات المتعلقة بالرسميات و الحياة العملية وكدة
مثال: دلوقتى انتة روحت اتقدمت لشغل ف مجال الكمبيوتر مثلاً وصاحبك ميعرفش حاجة عن المجال دا .. وانتة اترفضت والناس قالولك انك مش كفؤ للشغلانة دى ... طبعاً صديقك بحكم إنو شايفك على طول ومعاك دايما .. متخيل انك بتحب الكمبيوتر و بتفهم كويس فيه هيقوللك متسمعش كلامهم ومتغيرش من نفسك انتة صح ومسيرك هتلاقى شغل ... صراحة الحكاية دى بتخليك تكسل ومتفكرش ف عيوبك ومتقيمش نفسك بشكل موضوعى
وياما الواحد بيحصللو كدة ... فساعات فى حاجات الصديق فيها بيبقى تأثيرو سئ أكتر ماهو جيد على الواحد
بكل اختصار عشان كدة انا عملت المدونة دى ..
أتمنى أسمع رد كل حد قرا الكلام دا حتى ولو على جزء صغير منو ..
آسف جداً على الإطالة ...
خالد الإسكندرانى
أستودعكم الله الذى لاتضيع عنده الودائع
السلام عليكم ورحمة الله وبركاته
أنا حبيت ابدأ بس بموضوع عام شوية لكن بعد كدة ان شاء الله هنبدأ نحدد اكلام ف مواضيع معينة ..
حياة الواحد عبارة عن شوية أحداث بينتج عنها تصرف والتصرف بيكوِّن موقف ومجموعة مواقف بيكونو خبرة ةمجموعة خبرات بيكونو إنسان .... كلنا بنغلط و مهما الانسان بيتظاهر إنو متماسك ومش هاممو من الدنيا ومبيغلطش بيكون برضو ضعيف وخطّاء .. ودى حاجة ربنا ميز بيها ما بيننا وبين الملائكة ومينفعش ننكرها .. دى أول حاجة
على قد منا لسة صغير ومعنديش خبرة ف الحياة وكدة بس أدركت وياما ناس بيقولى إن أكبر غلطة ان الواحد يكتم اللى جواه وان لازم يكون عندك على الأقل شخص اوحد تحكيلو عن همومك حتى ولو كانت بسيطة جداً لأن مفيش همّ بيبقى بسيط وإلا مكنش هيبقى اسمو همّ ودى حاجة لازم نتفق عليها لأن صدقونى المشكلة الصغيرة بتلاقى طريقها لمشكلة تانية كبيرة وبيبقى تأثيرهم وحش أوى على نفسية الفرد .. دى تانى حاجة
اللى انا عايز أقولو إن الناس بتتفق ف تعرضها للمشاكل (يعنى مفيش حد من غير هموم) ولكن بتختلف ف طريقة تعبيرها عنها وبعض الطرق بتدمّر صاحبها ... ودا اللى أنا عايز أتكلم عنو ..
فى فرق مابين المشاكل والعيوب . المشكلة دى موقف بيحصل معاك ومبتعرفش تتصرف فيه إزاى فبتتصرف تصرف ميناسبش الوضع اللى انتة فيه .. أما العيب فدى حاجة موجودة فيك صعب عليك أو مستحيل -أحياناً- تغيرها ..
وياجماعة بس أنا لا عالم نفس ولا أفهم غ علم النفس غير انى درستو مرة واحدة ف حياتى .. بس لو فكرتو فيها هتلاقو كلنا علماء نفس لأنك مبتعملش حاجة ف ال24 ساعة غير انك تتخذ مواقف او تحلل مواقف ..
كتير مننا - ومنهم العبد لله - بيبقى فى عيب وهوا متأكد إنو موجود فيه ويرفض إنو يكلم أى حد فيه .. بس والله دى أكبر غلطة ..
دا حتى أنا ساعات بحس -بس مش عارف دا حقيقى ولا لأ- إن الواحد كل لما تلاقية بيتكلم عن مشاكلو وعن عيوبو كل ما الناس بتقربلو أكتر .. مش للتعاطف معاه .لأ. لكن الواحد لما بيحس إن اللى قدامو عندو الشجاعة إنو يواجه مشاكلة و عيوبه تحس ان فى حواجز من الحواجز بينك وبينو بيتفتح (دا لو شخص متعرفوش يعنى) ... ولو فكرت ف أقرب واحد من صحابك وجيت ترجع لليوم اللى اتعرفت فيه على صاحبك دا هتلاقى انو أكيد كلمك عن مشكلة عندو او عيب فيه .. وإلا مش هتبقى صديقو بجد ..
من الآخر يعنى .. كلنا عندنا أصدقاء سواء واحد او اتنين او 20 .. المهم ان مش كل صحابك هتقدر تكلمهم ف أى حاجة وكمان مش كلهم هيكونو مرو بالحاجة اللى انتة بتمر بيها ... يعنى مش ساعات تلاقى صاحبك يقولك انا حصل معايا كزاالمفروض أعمل إية ؟ .. انتة طبعاً بتقوللو اللى انتة شايف انك كنت هتعملو .. ويمكن صاحبك دا يعمل الحاجة دى فعلاً و تكون نصيحتك غلط .... فساعات الواحد المفروض يطلع برة دايرة صحابو عشان يحل مشكلة معينة أو يلاقى نصيحة ف موضوع معين
مش معنى كدة انك متقولش لصلحبك .. لأ بالعكس صديقك لازم يعرف كل حاجة عنك .. لكن مش دايماً حكمو هيكون سليم بالزات ف الحاجات المتعلقة بالرسميات و الحياة العملية وكدة
مثال: دلوقتى انتة روحت اتقدمت لشغل ف مجال الكمبيوتر مثلاً وصاحبك ميعرفش حاجة عن المجال دا .. وانتة اترفضت والناس قالولك انك مش كفؤ للشغلانة دى ... طبعاً صديقك بحكم إنو شايفك على طول ومعاك دايما .. متخيل انك بتحب الكمبيوتر و بتفهم كويس فيه هيقوللك متسمعش كلامهم ومتغيرش من نفسك انتة صح ومسيرك هتلاقى شغل ... صراحة الحكاية دى بتخليك تكسل ومتفكرش ف عيوبك ومتقيمش نفسك بشكل موضوعى
وياما الواحد بيحصللو كدة ... فساعات فى حاجات الصديق فيها بيبقى تأثيرو سئ أكتر ماهو جيد على الواحد
بكل اختصار عشان كدة انا عملت المدونة دى ..
أتمنى أسمع رد كل حد قرا الكلام دا حتى ولو على جزء صغير منو ..
آسف جداً على الإطالة ...
خالد الإسكندرانى
أستودعكم الله الذى لاتضيع عنده الودائع
السلام عليكم ورحمة الله وبركاته
